17 января 2015 г.
Юхмапа Пăла тăрăхĕ ырă йăла-йĕркесемпе яланах пуян пулнă. Вун сакăр çул каялла район хаçачĕн калем ăстисен редколлегийĕн пуçарăвĕпе йĕркелесе янă "Çулталăк çынни" конкурс çултан-çул хăйĕн хисепне ỹстерсе пыни те Патăрьелсен хастарлăхне çирĕплетсе парать. Кăçал ăна вун виççĕмĕш хут йĕркелеме палăртатпăр.
Хальхинче ятарлă комиссине (председателĕ _ район администраци пуçлăхĕн çумĕ _ вĕрентỹ, социаллă аталану, информаци тивĕçтерĕвĕпе архив ĕçĕн пай пуçлăхĕ В. Осипов) хаçатăн редакци коллегийĕн членĕсене çеç мар, тĕрлĕ шайри яваплă çынсене те кĕртнĕ: "Авангард" хаçатăн редактор тивĕçĕсене пурнăçласа пыракан Н. Мазякова, хаçатăн пай пуçлăхĕ А. Егорова, Н. Кошелева обществăлла корреспондент, районти культурăпа кану центрĕн ертỹçи А. Овчинникова, райадминистрацин тĕп специалист-эксперчĕ М. Волкова, Шăнкăртам ял тăрăх пуçлăхĕ М. Айзатуллов.
Конкурсăн тĕллевĕ çавах _ 2014 çулта халăх хуçалăхĕпе социаллă пурнăçра хăйсен хастарлăхĕпе, пултарулăхĕпе районта ят-сум çĕнсе илнĕ, район халăхĕшĕн пысăк ĕç тунă çынна палăртасси.
"2014 çул çынни" конкурса яланхи пекех район пичечĕн кунĕ тĕлне е февралĕн 8-мĕшĕнче пĕтĕм-лететпĕр.
Хăвăрăн шухăшăрсене редакцине кĕрсе е ятарлă алă пусса çирĕплетнĕ списоксем тăратса пĕлтерме пултаратăр. Иртнĕ çулхи пекех хаçат сайтĕнче электрон сасăлавĕ те пулĕ. Анчах та вулакансене çакна та аса илтерсе хăваратпăр: унăн кăтартăвĕсем çĕнтерỹçе палăртма кăна мар, пĕтĕмлетỹ тунă чухне шута илме кирлĕ пулĕç. Тĕп йышăнăва çỹлерех асăннă комисси членĕсем пăхса тухса пĕтĕмлетĕç.
Кăçалхи конкурса хутшăнма çаксене суйласа илнĕ:
В. Фролов _ Первомайскинчи "Шуçăм" халăх ансамблĕн ертỹçи;
Р. Ахметов _ районти тĕп больница хирургĕ;
В. Кузнецов _ "Звезда" ял хуçалăх производство кооперативĕн ертỹçи;
Н. Андреева _ Патăрьелĕнчи пĕрремĕш вăтам шкул директорĕ;
И. Хитров _ районти ветерансен канашĕн ертỹçи;
Г. Фомин _ Алманчă ял тăрăх пуçлăхĕ;
И. Шарафутдинов _ Именкассинчи фермер хуçалăхĕн ертỹçи;
Ф. Уфуков _ ООО "Полигон" директорĕ;
А. Иванов _ Патăрьел райповĕн
Турханти филиалĕн директорĕ; А. Афанасьев _ районти ачасемпе çамрăксен спорт шкулĕн завучĕ.
Источник: "Авангард" (газета Батыревского района)