17 января 2015 г.
Кăрлачăн 16 _ 17-мĕшĕ-сенче республикăра кашни уйăхра иртсе пыракан "Пешеход. Пешеходный переход" операци иртрĕ. Унăн тĕп тĕллевĕ _ çуран çỹрекенсен, водительсен çул-йĕр культурине ỹстересси, çул çинче пулакан аварисен йышне чакарасси. Çакнашкал профилактика мероприятийĕсем районта час-часах пулса тăраççĕ пулин те, пăшăрхантаракан тĕслĕхсем те тупăнаççĕ. Иртнĕ çул, сăмахран, шута илнĕ 66 аваринче 18 çыннăн пурнăçĕ татăлнă, 84-шĕ суранланнă. Ачасемпе пулнă тăхăр аварире иккĕшĕн ачалăхĕ татăлнă, çиччĕшĕ аманнă.
Çул çинче пулнă мĕн пур инкексенчен ытларах пайĕ (34 проценчĕ) автомашинăсем тĕрлĕрен сăлтавпа пĕр-пĕрин çумне пырса çапăнни. Çуран утса пыракан çине кĕрсе кайса инкек курнă тĕслĕх-сем те сахал мар. Чылай чухне вăл водительтен килет: вăл е васкать, е тата курса-асăрхаса ĕлкĕреймест... Кун пек йăнăш водитель ỹсĕр пуçпа руль умне ларсан та пулма пултарать. Урăхла каласан, çула тухакан çын килне тĕрĕс-тĕкел çаврăнса килесси хăйĕнчен ытларах килет. Çул-йĕр правилине пăхăнни çеç пăтăрмахсенчен хăтарма пулăшĕ.
А. ПЕТРОВ, районти ГИБДД начальникĕ
Источник: "Авангард" (газета Батыревского района)