21 января 2015 г.
Кăрлачăн 17-мĕшĕнче Шупашкарти К. Иванов ячĕллĕ драма театрĕнче республикăри массăллă информаци хатĕрĕсенче ĕçлекенсем, телерадиокомпанипе полиграфи хастарĕсем Раççей тата Чăваш пичечĕн кунĕсен ячĕпе йĕркеленĕ уявра савăнчĕç. Мероприятие Республика Пуçлăхĕ М. Игнатьев, ЧР Министрсен Кабинечĕн Председателĕн çумĕ _ республикăри Пичет министрĕ А. Иванов хутшăнчĕç, калем ăстисене малашнехи ĕçре пысăк çитĕнỹ тума, паянхи пурнăçра пулса иртекен ырă улшăнусене тĕрĕс хак парса çутатма ăнăçу сунчĕç.
Пичет кунне паллă тунă уявра районти журналистсен делегацийĕпе пĕрлех район администраци пуçлăхĕ Н. Глухов хутшăнчĕ, "Авангард" хаçат редакцийĕнче вăй хуракансене творчество ĕçĕнче пысăк çитĕнỹ тума ырă сунчĕ.
Хамăр корр
Источник: "Авангард" (газета Батыревского района)