21 января 2015 г.
Район администраци пуçлăхĕ Н. Глухов ял тăрăх пуçлăхĕсемпе тата структура подразделенийĕн ертỹçисемпе ирттернĕ ларура ытти ыйтусемпе пĕрлех вырăнти хăй тытăмлăх органĕсем хушшинче йĕркеленĕ спартакиада пирки те сăмах пуçарнă. Унăн итогĕпе "Паттăр" физкультурăпа спорт шкулĕн директорĕ А. Краснов паллаштарнă, спартакиадăра пысăк пуçарулăх кăтартнă администрацисене дипломсемпе пĕрлех йĕлтĕр парса чыс тунă.
2014 çулта ял тăрăхĕсем хушшинче йĕркеленĕ спорт ăмăртăвĕсенче уйрăмах Аслă Чеменсемпе Нăрваш Шăхаль спортсменĕсем пысăк хастарлăх кăтарнă, пĕрремĕш вырăна пайланă. Вĕççĕмĕшĕнче _ Туçасем. Спартакиадăна 17 тĕрлĕ тупăшупа хакланă.
Сăмах май çакна та палăртса хăвармалла: маларахри çулхи спартакиада итогĕсемпе те çак администраци спортсменĕсемех ырă тĕслĕх кăтартнă, малти вырăнсене йышăннă.
Хамăр корр
Источник: "Авангард" (газета Батыревского района)