18 февраля 2015 г.
РАЙОНТИ пушар надзорĕн ĕçченĕсемшĕн çĕнĕ çулталăк лăпкă лару-тăруран пуçланмарĕ. Çине-çине инкек, куççуль, вилĕм темелле... Ку таранччен "01" служба сотрудникĕсем сакăр пушара шута илнĕ! Вут-çулăмра виçĕ çыннăн пурнăçĕ татăлни вара хăй тепĕр "ЧП" темелле. Урăхла каласан, пушарниксем вут-çулăмран çирĕп асăрханмалли пирки хăйсем "чан" çапаççĕ! Юлашки 7 _ 8 кунта çеç Патăрьелĕнчи пушар надзорĕн васкавлă машинисем икĕ хутчен инкек пулнă вырăна васканă: Чăваш Ишекне тата Сителе. Пĕрремĕшсен вут серепинче хуралтисем çунса юрăхсăра тухнă, теприсем вара хĕл кунĕнче çуртсăр тăрса юлнă. Сăлтавĕсем иккĕшĕ те кил хуçисенчен килнĕскерсем _ электрооборудованипе усă курнă чухне асăрханманни тата чикарккăна йĕркене пăхăнмасăр пỹртрех мăкăрлантарни.
Источник: "Авангард" (газета Батыревского района)