Публикации » ЗАГСри архив ĕçĕ _ республикăра чи кăтартулли

21 февраля 2015 г.

 РАЙОНТИ Çырăнтару керменĕн истори тымарĕсем чылай аякка каяççĕ. Паянхи куна Юхмапа Пăла тăрăхĕнчи архив фондĕнче 1919 çултан пуçласа паянхи кун таранччен тĕрлĕ темăпа 811 кĕнеке упранать. Пĕр ĕмĕре яхăн хут çинче сыхланакан тупрана (çаплах калас килет) электрон чĕлхи çине куçарса компьютер программине кĕртес тĕллевпе пирĕн ЗАГС хастарĕсем республикăра та чи нумай тата пахалăхлă ĕç тунă. Тăрăшни харама кайман. Çак кунсенче Республикăри юстици министерствин коллеги ларăвĕнче Патăрьелĕнчи ЗАГС уйрăмĕ архив ĕçне тирпейлесе пырас енĕпе Чăваш Енте чи лайăххи пулнине палăртнă. Кунта электронлă база авторĕсен ячĕсене те палăртса хăвармалла. Ф. Майоровапа Н. Антонован конкурсра çак хисеплĕ ята çĕнсе иличчен самай кивĕ хутсемпе ларма тивнĕ.

Источник: "Авангард" (газета Батыревского района)