Публикации » Йĕлме йĕлтĕр, чĕлтĕр-чĕлтĕр Шуса тухрăмăр хире…

21 февраля 2015 г.

РАЙОНТИ ветеринари службипе лаборатори ĕçченĕсем çапла кашни кунах йĕлтĕр çине тăрса хĕл илемĕпе киленме май тупаççĕ. Кăнтăрлахи апат вăхăтĕнче арçынсемпе хĕрарăмсем пĕр ỹркенмесĕрех хăйсен территори таврашĕнче çаврăм хыççăн çаврăм тăваççĕ. Ун хыççăн вара ушкăнпа пылпа вĕри чей ĕçеççĕ... Сывă пурнăç йĕркине пропагандăлас, районта иртекен ăмăртусене хастар хутшăнас тĕллевпе вĕсем вунă спорт хатĕрĕ туяннă. Малтанхи тренировкăсемех хăйĕн "çимĕçне" кăтартма пултарнă. Ветслужба ĕçченĕсен командине хỹтĕленĕ Л. Ефимова "Раççей йĕлтĕр йĕрĕ _ 2015" массăллă чупура финиша иккĕмĕш тухнă, республикăра хăйсен ĕçтешĕсем хушшинче йĕркеленĕ ăмăртура вара кăтартăвне тата лайăхлатнă _ пĕрремĕш çитнĕ.

Источник: "Авангард" (газета Батыревского района)