25 февраля 2015 г.
НАРĂС уйăхĕ пирĕн районшăн мероприятисемпе питĕ пуян пулчĕ. Культура, спорт уявĕсемпе пĕрлех вырăнсенче граждансен пухăвĕсем те хастар иртсе пыраççĕ. Район администраци пуçлăхĕ çирĕплетнĕ графикпа килĕшỹллĕн кăçал вăл 46 ялта йĕркеленмелле. Ку таранччен районти влаç органĕн представителĕсем вырăнти халăхпа курнăçса вĕсен ыйтăвĕсене, пăшăрханăвĕсене итлеме 24 яла çитнĕ. Çак эрнере пуху Пăлапуç Пашьелĕнче, Вăтаелĕнче, Тутар Сăкăтĕнче, Турханпа Хурама Тварĕнче, Тăрăнпа Упамсара, Кĕçĕн Патăрьелĕнче, Треньелĕнче, Пăлаçи Атăкра иртмелле.
Источник: "Авангард" (газета Батыревского района)