25 февраля 2015 г.
РАЙОНТА Литература тата Константин Иванов çулталăкне халалланă мероприятисем çине-çинех йĕркеленеççĕ. Çак кунсенче Çĕньялта тĕнчипе чапа тухнă ентеш-поэтăмăр Геннадий Айхи тата Константин Иванов поэзине юратакансем "Айхи вулавĕсем" сăвă конкурсне пуçтарăннă. Тăххăрмĕш хут хапăл тунă сăмах ăстисем çакнашкал тупăшăва. Вăл хĕрỹ иртни те паллă: 108 вĕренекен сцена çине тухса хăйсен пултарулăхне кăтартнă. Жюри членĕсене ĕçлеме çăмăлах пулман. Çĕнтерỹçĕсене вĕсем тĕрлĕрен номинаципе хакланă: Г. Айхи сăввисене чăвашла тата вырăсла ăста вуласси, К. Иванов сăввисене чăвашла вуласси.
Сăвă конкурсĕн çĕнтерỹçисем район администрацин вĕрентỹ, социаллă аталану, информаци тивĕçтерĕвĕ тата архив ĕçĕсен пайĕн дипломĕсене тивĕçнĕ.
Источник: "Авангард" (газета Батыревского района)