Публикации » "Авангард" хаçата _ икĕ диплом

25 февраля 2015 г.

Район Пичечĕн кунĕ хыççăн районта тухса тăракан "Авангард" хаçат ĕçченĕсемшĕн малалла та хавхаланса ĕçлемелли тепĕр сăлтав та тупăнчĕ 2014 çулта "Россельхозбанк" уçă акционерсен обществин Чăваш регионти филиалĕ республикăри массăллă информаци хатĕрĕсен хушшинче йĕркеленĕ "Ылтăн пучах" конкурсра пĕрремĕш вырăн йышăнса диплома тата премие тивĕçнĕ.

Филиал директорĕ И. Н. Письменская республикăри хаçат редакторĕсен анлă канашлăвĕнче ăна "Авангард" хаçат редакторĕн тивĕçĕсене пурнăçлакан Н. Мазякована (ỹкерчĕкре) чыслă лару-тăрура парнеленĕ.

Кăштах маларах вара редакцин пай пуçлăхне А. Егорована республикăра йĕркеленĕ "Правопорядок" конкурса хутшăнса çитĕнỹ тунă ятпа ЧР шалти ĕçсен министерствин Дипломĕпе чысланă.

Хамăр корр

Источник: "Авангард" (газета Батыревского района)