25 февраля 2015 г.
Пăлапуç Пашьелĕнчи вăтам шкулта ачасене çарпа патриотла воспитани парасси çине пысăк тимлĕх уйăраççĕ.
Çак кунсенче Н. Тихонова музыка ертỹçи ертсе пынипе 5-8 классенче вăрçă вăхăтĕнче юрланă юрăсен урокĕсем иртрĕç.
Пиллĕкмĕшсем "Катюшăна" кăмăлтан шăрантарчĕç. Аслăраххисене "Вечер на рейде", "Под звездами балканскими" юрăсем килĕшрĕç. "Дороги", "В землянке" юрăсене те пурте пĕлеççĕ.
Тăшмана хирĕçле харăссăн тăма "Свяшенная война" та пулăшнă.
Çаксенчен урок пĕтĕмлетĕвне тума та пулать. Юрă фронтпа тылшăн чун-чĕре хĕç-пăшалĕ те пулнă. Вăл çапăçăва чĕннĕ, çынна ырра ĕмĕтленме май панă, çĕнтерĕве çывхартма пулăшнă.
Т. КОЗЛОВА
Источник: "Авангард" (газета Батыревского района)