28 февраля 2015 г.
Ку чухне çĕнĕ технологисем вăй илсех пыраççĕ. Паянхи кун ЧР шалти ĕçсен министерстви электрон мелĕпе халăха хăйĕн сайчĕ урлă тăватă мелпе патшалăх пулăшăвĕсемпе усă курма май парать.: тĕрлĕ справка илме, пулас водительсене экзамен тыттарма, вĕсене удостоверени пама, тĕрлĕ информацисемпе шăнкăравсене йышăнма тата ытти те.
Çак пулăшусемпе усă курас текенсем ЧР шалти ĕçсен министерствин сайтĕнче "Электронное МВД" уйрăмра тĕплĕнрех паллашма пултараççĕ. Çавăн пекех кунта заявлени çырмалли ятарлă бланксен тĕслĕхĕсене, шалти ĕçсен пайĕнче ĕçлекенсен телефон номерĕсене те тупма май пур.
Пулăшу ĕçĕсене электрон мелĕпе илес текенсен малтан Патшалăх пулăшĕвĕсен пĕрлехи порталне: www.gosuslugi.ru адреспа çырăнмалла.
Хăвăра кăсăклантаракан ыйтусен хуравĕсене тĕплĕнрех Патшалăх пулăшăвĕсен пĕрлехи порталĕнче тата ЧР шалти ĕçсен министерствин сайчĕ урлă тупма пулать. Патăрьелĕнчи адрес: Дружба урамĕ, 6 "а" çурт (ГИБДД çурчĕ).
Ыйтса пĕлмелли телефон: 5-04-08 А. АНТИПОВ
Источник: "Авангард" (газета Батыревского района)