11 марта 2015 г.
Ĕмĕтсем пулнă манăн нумай
Çамрăк чух, шухăшсем вĕçнĕ чух,
Çерем тăрăх çарран чупнă чух,
Хĕрсене пилĕкрен тытнă чух.
Халь пурнатăп пĕрмай шутласа
Унчченхи пурнăçа тишкерсе,
Чухлайми айван пулнă тесе,
Ĕмĕтсем ман çунатлă тесе.
Шухăшра хăшĕ курчĕ ăна
Шăписем ăннисен пурнăçра.
Тĕрĕс çул тупнисем урăхла
Теприсен юлчĕ вăл уçлăхра.
Кайрăм эпĕ пачах вăй-халтан
Ĕмĕт, шухăш _ ялан вăл манрах
Мĕншĕн-ха шутламан эп малтан
Чавса çывăх, çыртма çук кайран.
Ромео НЯГИН. Çĕньял ялĕ.
Источник: "Авангард" (газета Батыревского района)