04 апреля 2015 г.
ÇАК сăмах çаврăнăшне чылай чухне ултавçăсен серепине çакланакансене асăрхаттарса калаççĕ. Пурнăçри тĕслĕхсене тĕпе хурас пулсан вара паян çапла калас килет. Хисеплĕ вулаканăм! Çуркунне çитни савăнăçпа çеç çыхăнман. Инкек-синкек те, хурлăх та йăтăнса анма пултарать (ун пеккинчен Турă сыхлатăрах). Хĕвел шевли кунсерен хирсене пикенсех улалатрĕ, пăр сийне те çỹхетрĕ. Кĕçех Юхма тăрăхĕнче тăсăлса выртакан Пăла юханшывĕ те "хĕл ыйхинчен" вăранĕ, пăр та тапранĕ, катрамăн-катрамăн анаталла шума пуçлĕ. Çавăнпа та çỹхе пăр çине вылямалла е урăх сăлтавпа тăрса хур ан курăр. Инкек тени пĕр хутчен çеç пулнине ан манăр. Аслисем, ку тĕлĕшпе уйрăмах ачăрсене сыхлăр! Районти МЧС служби те сире çакнах асăрхаттарать.
Источник: "Авангард" (газета Батыревского района)