01 апреля 2015 г.
РЕСПУБЛИКА Пуçлăхĕ Михаил Игнатьев Юхмапа Пăла тăрăхĕнче нумай пулмасть йĕркеленĕ тĕлпулура та çак шухăшсене пусарсах каларĕ. Тупăшăн сахал мар пайне тултаракан алкоголь шĕвекĕсене ытти регионтан, аякран илсе килсе сутă туни _ хамăр хыснана кĕрекен укçа-тенкĕне юта салатниех. Район администаци пуçлăхĕ Н. Глухов та ял тăрăх пуçлăхĕсемпе, администрацин структура подразделенийĕсен руководителĕсемпе ирттернĕ иртнĕ канашлура çак ыйтăва тата çивĕчлетрĕ. Пирĕн районта эрех сутакан 32 лицензионист шутланать, 150 ытла суту-илỹ магазинĕ ĕçлет. Апла пулсан, хамăр республика туса кăларакан тавара сутма майĕ те, вăйĕ те пур. Кăмăлĕ çеç пысăк кирлĕ.
Источник: "Авангард" (газета Батыревского района)