08 апреля 2015 г.
РАЙОНТИ ЗАГС уйрăмĕшĕн çуркуннен пĕрремĕш уйăхĕ начар кăтартусемпех çырăнса юлман. Мартра çеç çут тĕнчене килнĕ 43 "çĕнĕ кайăка" ят хурса свидетельствăсем панă. Вĕсенчен ытларах пайĕ çемьере иккĕмĕш е виççĕмĕш пепкесем. Виçĕ ашшĕпе амăшне вара ырă кăмăллă "аист" пиллĕкмĕш хут çак сăлтавпа савăнтарнă. Хальхи вăхăтра йышлă ача çуратса воспитани паракан çемьесене ырламалла, мухтамалла çеç.
Çырăнтару керменĕн кăтартăвĕсемпе пилĕк ачан амăшĕ саккунлă майпа çемье çавăрмасăр çуратнăскерсем. Çакă вара шухăшлаттарать. Тулли çемьере çеç ача телейлĕ ỹсĕ.
Март уйăхĕ аслă типĕ тапхăрне çакланнăран-тăр, çемье çавăракансем те иртнĕ çулхинчен самай сахалтарах пулнă.
Источник: "Авангард" (газета Батыревского района)