08 апреля 2015 г.
РАЙОНТА темиçе çул каяллах моряксемпе чикĕ хуралĕн ветеранĕсем, каярахпа десантниксем пĕрле чăмăртанса пысăк вăй туса хучĕç, хастарсем пĕр шухăшлă пулса палăксем те лартрĕç. Ырă ĕçе хапăл тăвакансем татах та пур-ха. Хальхинче акă, сывлăш çар хỹтĕлевĕн ветеранĕсем хăйсен пĕрлĕхне йĕркелесе ПВО çарĕнче службăра тăнисене хисеп туса асăну паллине хатĕрлесшĕн. Шухăшсен пуçаруçи, патриотла юхăмăн инициаторĕ _ А. Трифонов. Ветерансен канашĕн председателĕ С. Шадиряков хаçат редакцине пĕлтернĕ тăрăх, сывлăш çар службинче тăнă салтаксем апрелĕн 12-мĕшĕнче хăйсен професси уявне паллă тума пуçтарăнаççĕ. Шăпах çавăн чухне хускатасшăн та вĕсем хăйсене пăшăрхантаракан ыйтусене.
Источник: "Авангард" (газета Батыревского района)