Публикации » Кивĕ сад пахчине çĕнетнĕшĕн

20 февраля 2013 г.

Кăçал сад пахчине çĕнетекенсене те федераци бюджетĕнчен субсиди парса пулăшма палăртнă. Пĕр гектар кивĕ сада çĕнетме 25 пин тенкĕ уйăрĕç. Колхоз-совхозсем арканнă хыççăн садпа хушма хуçалăхсем кăна ĕçлеççĕ темелле. Субсиди пысăк организацисене пырса тивĕ. Вĕсенче юхăннă, ватăлса кайнă садсем самай пысăк лаптăк йышăнаççĕ. Хуçасăр юлнăскерсене йĕркене кĕртме вăхăт. Малашне улма-çырлана вырнаçтарас енĕпе чăрмав пулмалла мар. Вырăнти райпо йышăннипе пĕрлех республикăра та çимĕçе тирпейлекен предприятисем вăй илме тытăнни сисĕнет. Акă, Етĕрне районĕнчи “Дары природы” кооператив улма-çырларан, пахча çимĕçсенчен сĕткен кăларать. Патшалăх пулăшăвĕ Чăваш Енри садсене те чĕртсе тăратма пулăшасса шанас килет.