11 апреля 2015 г.
АСЛĂ ÇĔНТЕРỸ уявĕ çывхарса пынăçемĕн вăрçă ветеранĕсем валли тĕрлĕ шайра кăларнă çăмăллăхсем хушăнсах пыраççĕ. Çакă хисеплĕ çыннăмăрсем умĕнче пуç тайнипе пĕрле вĕсене пуриншĕн тав туни те. Акă, апрелĕн 8-мĕшĕнчен пуçласа майăн 8-мĕшĕччен Чăваш Енте пурăнакан ветерансем Росреестр çăмăллăхĕпе те килтен тухмасăрах тата питĕ кĕске вăхăтра усă курма пултараççĕ. Кадастр палатипе татса памалли ыйту сиксе тухсан малтанах 8 (8352) 45-25-17, 43-96-64 телефонсемпе çыхăнса çырăнмалла, ун хыççăн вара филиалти специалистсем сире мĕнпур ыйтăва киле килсех, тỹлевсĕр татса парĕç.
Источник: "Авангард" (газета Батыревского района)