11 апреля 2015 г.
Мăнкун ячĕпе саламлатăп! Патăрьел районĕн хисеплĕ çыннисем! Сире Христос чĕрĕлсе тăнă Çутă кунпа _ Мăнкунпа саламлатăп! Мăнкун уявĕ авалхи культурăна каялла тавăрма, ырă йăла-йĕркене тытса пыма пулăшать. Евангелире каланă тăрăх, Иисус Христос вилнĕ чухне пĕр-пĕрне юратма халал панă. Вăл вĕрентнисем çынна пăскăнчăкран, усалран, курайманлăхран тасалса пыма пулăшаççĕ.
Çак çурхи кунсем сирĕн чĕрере савăнăç, тăванăрсемпе тата çывăх çыннăрсемпе калаçма ăшăлăх, çуртăрсене юратупа телей, ăнланулăх илсе килтĕр!
Ыран, апрелĕн 12-мĕшĕнче, Мăнкун уявĕпе пĕрлех Авиаципе космонавтика кунĕ те. Район çыннисене тата пурнăçне авиаципе тата космоспа çыхăнтарнисене уяв ячĕпе саламлатăп. Пурне те çирĕп сывлăх, ăнăçупа телей сунатăп.
Район администраци пуçлăхĕ Н. ГЛУХОВ
Источник: "Авангард" (газета Батыревского района)