15 апреля 2015 г.
РАЙОН прокуратури Юхмапа Пăла тăрăхĕнчи суту-илỹ магазинĕсенче санитарипе эпидемиологи законодательствине, çавăн пекех çын сывлăхĕпе çыхăннă апат-çимĕç продукчĕсен пахалăхне тĕрĕслес тĕлĕшпе тăтăшах рейдсем йĕркелет. Хальхинче те йĕрке хуралĕн сотрудникĕсем Республикăри Россельхозцентр Управленийĕн специалисчĕсемпе пĕрле лавккасене çитсе саккуна мĕнле пăхăннине тĕпченĕ.
Тĕрĕслев лайăх кăтартусемпе çеç вĕçленмен, икĕ усламçă административлă право йĕркине пăхăнманнине, суту-илỹре срокран тухнă йогурт, колбаса, шоколадпа газлă шĕвек сутнине тупса палăртнă. Район прокурорĕ Ю. Фуражников хаçат редакцине пĕлтернĕ тăрăх, материалсене Чăваш Республикинчи Роспотребнадзор уйрăмне пăхса тухса тивĕçлĕ йышăну тума ярса панă.
Источник: "Авангард" (газета Батыревского района)