АУ «Редакция Батыревской районной газеты «Авангард» Мининформполитики ЧувашииОФИЦИАЛЬНЫЙ САЙТ

Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Акара авăнни вырмара савăнма пулăшĕ

15 апреля 2015 г.

Çак кунсенче пирĕн корреспондент Чăваш Республикин Министрсен Кабинечĕн Председателĕн çумĕпе _ ял хуçалăх министрĕпе Сергей Павловпа тĕл пулса кăсăклантаракан районти агропромышленноç ыйтăвĕсем тавра калаçнă. _

Сергей Владимирович, кунран кун хĕрỹ тап-хăр - ака-суха _ çывхарса килет. Республикăра çурхи ĕççине хатĕрленесси мĕнле пырать-ши? Патăрьел районĕнче те çур акине хатĕрленес ĕç кунсерен вăй илет...

_ Çапла, умра _ çур аки. Кăçал акнă лаптăксем 565 пин гектар йышăнмалла. Ку иртнĕ çулхипе танлаштарсан 5,6 пин гектар ытларах. Пĕрчĕллĕ тата пăрçа йышши культурăсем - 50, çĕр улми 6,5 процент пулĕ. "Иккĕмĕш çăкăр" лаптăкне 3 пин гектар ỹстерме палăртнă. Иртнĕ çул кĕрхисем 89 пин гектар акса хăварнă. Вĕсен 90 проценчĕ аван хĕл каçнине палăртаççĕ специалистсем. Çанталăк сивĕрех тăнипе калчан ỹсĕм тапхăрĕ пуçланман-ха. Март уйăхĕнче юр сахал çунипе нỹрĕк çĕре сăрхăнас вырăнне пăсланса пĕтнĕ. Çавăнпа та тăпрара нỹрĕк çителĕксĕрри сисĕнет. Çурçĕр районсенче нормăран - 70, кăнтăр енчисенче 90 процент сахалрах вăл. Çумăр çуни кĕрхисене, маларах акнă çурхи культурăсене вăй илме пулăшăччĕ.

Патăрьел районĕнче кăçал 25293 гектарта ял хуçалăх культурисем туса илмелле, çав шутра 15333 га тĕш тырăпа пăрçа йышшине. Çĕр улмине пĕл- тĕрхинчен ытларах çитĕн- терес тĕллевпе лаптăкне 4480 гектара çитересшĕн. Выльăх апачĕ те ытлă-çитлĕ пулĕ. Ака вăхăтĕнче минерал удобрени çитменни те йывăрлăхсем кăларса тăратма пултарать. Пĕлтĕрхипе танлаштарсан, минерал удобренийĕ турттарассипе лару-тăру аван, хальлĕхе 8,6 пин тонна кỹрсе килнĕ. Патăрьелсем 1300 тонна туяннине палăртмалла. Çунтармалли-сĕрмелли материалсем те янтăлаççĕ хуçалăхсенче. Техникăн 98 проценчĕ уй-хире тухма хатĕр те ĕнтĕ.

_ Топливо, ỹсен-тăрана хỹтĕлемелли хатĕрсем хаклансах пыраççĕ…

Ака-суха ял ĕçченĕшĕн хакла лармĕ-ши? Патшалăх субсидийĕ вăхăтра çитĕ-ши?

_ Çапла, сăмахран, минерал удобренийĕн хакĕ 30 процент ỹснĕ. Пирĕн тĕллев - ял хуçалăх таварĕ туса илекенсем патне патшалăх субсидине вăхăтра çитересси. Кăçал республикăна 2 млрд та 260 млн тенкĕ уйăрмалла, çав шутран 666,5 млн тенкĕне хуçалăхсене куçарса панă ĕнтĕ. Ку иртнĕ çулхинчен 2,7 хут ытларах.

Процент ставкисене субсидилессипе те ĕçлетпĕр. Сăмахран, хуçалăхсене литр сĕт пуçне хушса тỹлемелле. Паллах, çак укçа та уй-хир ĕçĕсене ирттерме кайĕ. Ака-суха валли кĕске вăхăтлăх кредитпа та анлă усă кураççĕ.

Тавар туса илекенсене техникăна 15 процент йỹнетсе сутĕç. Раççей Ял хуçалăх министерстви 25 процент таранах йỹнеттересшĕн.

_ Сергей Владимирович, пурте пĕлетпĕр ĕнтĕ, шăвармасăр пахча çимĕç ỹсмест. Тыр-пул уйĕнче мелиораци мероприятисене ирттерейĕпĕр-ши?

_ Чăваш Енре "Чăваш Республикинче 2013-2020 çулсенче ял хуçалăхне аталантарасси тата ял хуçалăх продукцийĕн чĕр таварĕпе апат-çимĕç рынокне йĕркелесси" патшалăх программин "Чăваш Республикин ял хуçалăх пĕлтерĕшлĕ çĕрĕсенче мелиорацие аталантарасси" çум программа ăнăçлă ĕçлет. 2014 çулта тĕллевлĕ программа федераци тата республика бюджетĕнчен 53 млн тенкĕ уйăрнă, республикăри 23 хуçалăх мелиораци техники туянма май пултарчĕ. Çавăн пекех, ял хуçалăх таварĕ туса илекенсем шăвармалли техника туяннă чухне 50 процент таран çăмăллăхпа усă курнă. Хуçалăхсенче вăй хуракансем çĕрсене шăварса тăни пахча çимĕç, çĕр улми тухăçне чылай ỹстерме май панине пĕлеççĕ.

_ Чăваш Ен Пуçлăхĕ Михаил Игнатьев Патшалăх Канашне янă Çырăвĕнче сĕт туса илекенсен чĕртаварăн пахалăхне, калăпăшне тата хакне патшалăх енчен тĕрĕслемеллине каланă. 2015 çулхи июлĕн 1-мĕшĕнчен хушма хуçалăхсене сĕтшĕн пахалăхне кура тỹлессине йĕркелеме ыйтнă. Организацисенче чĕртаваршăн пахалăхне кура тỹлессине тахçанах пурнăçа кĕртнĕ ĕнтĕ. Кăçех çĕнĕлĕх хушма хуçалăхсене те пырса тивĕ. Мĕнле йышăнĕç-ха ăна Патăрьел районĕнче?

_ Çапла, Республика Пуçлăхĕ Михаил Игнатьев Çырура килти хуçалăхсенчен паракан сĕт хакне тата пахалăхне патшалăх енчен йĕркелесе тăма хушрĕ. Ку ĕçе, паллах, Патшалăх ветеринари службипе муниципалитетсене явăçтармасăр пурнăçлаймăн. Сĕт пуçтаракансемпе заводсем килти хуçалăхсен сĕчĕн пахалăхĕ вăйра тăракан норматив требованийĕсене тивĕçтермест теççĕ. Пахалăхне кура - хакĕ. Çавăнпа та тĕрĕслев пĕтĕмлетĕвне тĕпе хурса тỹлемелле.

Çак тĕллеве пурнăçа кĕртес тĕлĕшпе районсенче канашлусем ирттертĕмĕр. Сĕт пухакансемпе тата ветеринари службинче вăй хуракансемпе тĕл пулусем йĕркелерĕмĕр, сутакан сĕт пахалăхне куллен тĕрĕслесе тăмаллине палăртрăмăр. Нумай чухне сĕт пухакансем халăхран туянакан сĕт пахалăхĕпе тивĕçтерсех каймасть теççĕ. Паллах, кунта кам айăплине те палăртма çук. Çавăнпа та сĕт пухакансене кашни сĕт сутаканпа килĕшỹ тума сĕнтĕмĕр.

_ Калаçушăн тавах

Источник: "Авангард" (газета Батыревского района)

Мой МирВКонтактеОдноклассники

 

 

Система управления контентом
TopList Сводная статистика портала Яндекс.Метрика