Публикации » "Çĕнтерỹ сиренĕсем" Юхма Енре те тымар яччăр

22 апреля 2015 г.

 РЕСПУБЛИКĂРА экологи субботникĕсемпе йывăç лартмалли ятарлă кунсем, хамăр пурăнакан вырăна тирпей-илем кĕртмелли акцисем малалла пыраççĕ. Вĕсенчен пĕри _ Тăван çĕршыв Аслă вăрçинче Çĕнтерỹ тунăранпа 70 çул çитнине халалланă "Çĕнтерỹ сиренĕ". Пирĕн çутă пуласлăхшăн пуç хунă паттăр салтаксене асра тытса йĕркеленĕ акци мартăн 27-мĕшĕнче Раççейĕпех старт илнĕ. Çавăнпа та кашни çуркунне кăвак çеçке çурса ырă шăршă саракан йывăçа пирĕн те ытларах лартса хăварма тăрăшмалла. Ытти йывăçсемпе юнашар вăл та Юхмапа Пăла тăрăхĕнче тымар ярса таврана илем кỹтĕр.

Источник: "Авангард" (газета Батыревского района)