30 апреля 2015 г.
АКА уйăхĕн 24-мĕшĕнче йĕркеленĕ "Пĕтĕм чăваш диктанчĕ _ 2015" акцине хутшăнакан хастарсем шăпах çакна тĕрĕслерĕç те. Чăваш патшалăх гуманитари ăслăлăхĕпе, вĕрентỹ институчĕсем, "Хыпар" хаçат, Чăваш наци радиовĕпе телевиденийĕ, чăваш наци конгресĕ, И. Я. Яковлев ячĕллĕ Чăваш патшалăх педагогика университечĕпе И. Н. Ульянов ячĕллĕ Чăваш патшалăх университечĕ йĕркелекен акци çулран-çул хăйĕн пĕлтерĕшне ỹстерсе пыни те кăмăллă. Аслă Çĕнтерĕве халалланă диктанта çырма пирĕн районти чăвашлăх туйăмлă çынсем чылайăн, 543ĕн хутшăннă. Вĕсем хушшинче вĕренекенсемпе чăваш чĕлхипе литература учителĕсемсĕр пуçне тĕрлĕ вырăнта тăрăшакан специалистсемпе чăвашлăхшăн çунакан, унăн пуласлăхĕшĕн пăшăрханакан уйрăм матурсем те пулнă. Шанас килет, диктант итогĕпе "5" паллă илекенсем Юхмапа Пăла тăрăхĕнчен сахал мар пулĕç.
Источник: "Авангард" (газета Батыревского района)