08 мая 2015 г.
АСЛĂ ÇĔНТЕРỸ 70 çул тултарнă ятпа ветерансене, тыл ĕçченĕсемпе салтак арăмĕсене Раççей Президенчĕ те салам сăмахĕсене çитерчĕ. Анчах чылай чухнехилле капăр открыткăпа мар, вăрçă вăхăтĕнчисене аса илтерекен виç кĕтеслĕ çырусемпе.
Çакăн пек конвертсене Раççей Почти пĕтĕмпе 3 миллион ытла та кăларнă. Вĕсем фронтран килнĕ çырусем евĕрех, алла илсен ветерансем ирĕксĕрех вăрçă кĕрленĕ 1418 куна аса илĕç. Майăн 9-мĕшĕччен Чăваш Енте çеç 25224 конверт хăйĕн çыннине ятарлă адреспа шыраса тупрĕ. Çав конвертсене ветерансем кирек хăш вăхăтра та хăйсен юлташĕсене тỹлевсĕр ярса пама пултараççĕ.
Сăмах май, Раççей Почти Çĕнтерỹ 60 тата 65 çул тултарнă чухне те ветерансене виç кĕтеслĕ çырусем ярса панă.
Источник: "Авангард" (газета Батыревского района)