Публикации » Медиксем _ сывă пурнăç йĕркишĕн

20 мая 2015 г.

 Р АЙОНТА йышлă "çарсенчен" пĕри _ шурă халатлă медицина сестрисем. Гиппократ ячĕпе тупа тунине тĕпе хурса ĕçлекен сывлăх хуралĕн ĕçченĕсем коллектив сывă пурнăç йĕркишĕн пулнине çирĕплетсе хăйсен професси уявĕнче кар тăрсах Патăрьелĕнчи "Паттăр" стадиона пуçтарăннă. Хальхинче тĕп больницăн ертỹçи Г. Петрова ертсе пынипе Скандинавецсен уттипе уçăлса çỹреме çеç тухман, ГТО нормативĕсене тултарас тĕллевпе медиксем 19 тĕрлĕ тĕрĕслевре хăйсен пултарулăхне хак панă. Вăл шутра çамрăксем те, çулĕпе аслăраххисем те пулнă. Çак кунхине спорт каçалăкĕнче хăйсен мехелне икçĕр ытла специалист тĕрĕсленĕ. Район больницин тĕп тухтăрĕ Галина Семеновна ĕнентернĕ тăрăх, Шупашкарта çăмăл атлетика енĕпе иртекен Европа чемпионачĕ умĕн (вăл иртнĕ хыççăн та) çакнашкал сывлăх кунĕсене час-часах йĕркелесшĕн. Шурă халатлисенчен ыттисен те тĕслĕх илмелле.

Источник: "Авангард" (газета Батыревского района)