23 мая 2015 г.
ПĔТĔМ тĕнчери Музей кунне Патăрьелĕнчи "Çăкăр" историпе этнографи музейĕнче те пĕр йĕрсĕр те сарăмсăр ирттерсе яман. Раççей шайĕнче иртекен "Музейри каç" акцие чăвашсен паллă классикне, вилĕмсĕр "Нарспи" поэма авторĕ Константин Иванов çуралнăранпа 125 çул (майăн 27-мĕшĕнче) çитнине халалланă. Çак кунхине музейра ачасемсĕр пуçне обществăлла организацисен представителĕсем, пенсионерсем тата ыттисем те пулнă, куравпа паллашнă, чылай çĕнĕ экспонатсене пахаланă. Районти тĕп библиотека ĕçченĕ Наталия Ракова вара музей ĕçченĕсене уяв ячĕпе асламăшĕн арчинчи экспонатсене парнелесе савăнтарнă.
Источник: "Авангард" (газета Батыревского района)