23 мая 2015 г.
Майăн 26-мĕшĕнче "Чувашия" Патшалăх телерадиокомпанийĕпе Чăваш наци теларадиокомпани тата "Советская Чувашия" хаçат редакцийĕ хатĕрленĕ "Пирĕн республика. Тĕп тема" пĕрлехи проектăн виççĕмĕш кăларăмĕ куракансем патне тухать.
Хальхинче калаçу Чăваш Республикинче çĕнĕ ĕç вырăнĕсем уçнипе çыхăнĕ. Республика Пуçлăхĕ Михаил Игнатьев телекуравçăсене регионта инвестици проекчĕсем мĕнле пурнăçа кĕрсе пынипе, граждансене ĕçе вырнаçтарас ыйту еплерех татăлнипе, кадрсене хатĕрлессипе тата пĕчĕк бизнеса аталантарассипе мĕнле ĕçлесе пынипе паллаштарĕ.
"Пирĕн республика. Тĕп тема" телепрограммăн виççĕмĕш кăларăмне 2015 çулхи майăн 26-мĕшĕнче "Россия-1" телеканалпа 19.30, Чăваш Енти наци телевиденийĕпе 20.30 сехетсенче курма пулать.
Источник: "Авангард" (газета Батыревского района)