Публикации » Чикĕ хуралçисен ячĕпе ятарлă палăк пулĕ

22 февраля 2013 г.

ЮХМАПА Пăла тăрăхĕнче ырă пуçарăва яланах хапăл туса йышăнаççĕ. Темиçе çул каялла Патăрьелĕнче Тинĕс-çар службинче тăнă моряксене хисеп туса Арбат урамĕнче палăк лартрĕç. Кăçалхи майăн 28-мĕшĕ тĕлне пограничниксем культура паркĕнче хăйсен паллине çĕклесшĕн. Ку тĕлĕшпе пăр тапраннă темелле. “Россельхозбанкра” хуралра тăрăшакан Анатолий Быков ертсе пынипе чикĕ хуралĕнче тăнă салтаксен списокне тунă. Вĕсем сахалăнах та мар: 50 çул тултарманнисем çеç 344 çын. Пухмача пĕрремĕш кĕмĕл хуракансем вара аслăраххисем пулнă. Кĕçĕн Арапуçĕнчи А.Красновпа Кĕçĕн Патăрьелĕнчи А. Капустин пĕр сăмахсăрах пиншер тенкĕ кăларса та панă.