06 июня 2015 г.
Лидерсен йышĕнче "Инфометр" тытăмĕн эксперчĕсем регионсенчи правительствăсен сайчĕсене Раççей законодательствин требованийĕсем çинче никĕсленнĕ 194 енлĕ параметрсемпе тĕпченĕ. Хаклава Раççейĕн 85 регионĕ хутшăннă. Пичетлесе кăларнă "Раççей Федерацийĕн субъекчĕсен ĕç тăвакан аслă влаç органĕсен уççăнлăхĕн пĕтĕм Раççейри рейтингĕ" Чăваш Ен лидерсен йышне кĕнине кăтартнă.
Рейтинг даннăйĕсем тăрăх Чăваш Ен правительстви 14-мĕш вырăн йышăннă. ЧР влаç органĕсен порталĕн уççăнлăхĕн шайĕ çулталăк хушшинче 62 процент ỹснĕ. Пирĕн республикăн влаç органĕн официаллă порталĕ Раççейри ытти влаç органĕсен сайчĕсен хушшинче чи кăтартуллисен шутĕнче пулса тăнă.
Источник: "Авангард" (газета Батыревского района)