11 июня 2015 г.
КУЧУХНЕ эрех-сăра ĕçсе хăйсене хисепрен кăларни, чикарккă мăкăрлантарса сывлăха хавшатни модăра мар. Хăйсен пурнăçне спортпа çыхăнтарнисенче çеç пысăк шанăç, вăй, тĕрек... Çакна Патăрьелĕнчи ветеринари службин ĕçченĕсем те питĕ хытă пăхăнаççĕ: хĕлле йĕлтĕрпе, çулла вара çуран чупса хăйсен сывлăхне тĕреклетеççĕ. Чăтăмлăх çитерсе çухрăм хыççăн çухрăм хыçа хăварнин усси пурах. Çак кунсенче выльăх-чĕрлĕх чирĕсемпе кĕрешекен станци работникĕсем Шупашкарта йĕркеленĕ çуллахи спартакиадăна хутшăннă. Ветеринарсен команди пĕтĕмĕшле иккĕмĕш вырăна çĕнсе илнĕ. VIP_ чупура Патăрьелсен чысне хỹтĕленĕ Л. Ефимова вара финиша пĕрремĕш кĕнĕ, пысăк парнене тивĕçнĕ. Сăмах май каласан, Людмила Николаевна хĕллехи спартакиадăран та призлă вырăнпа таврăннă.
Источник: "Авангард" (газета Батыревского района)