11 июня 2015 г.
Сире патшалăх уявĕпе _ Раççей кунĕпе чун-чĕререн саламлатăп! Паян пирĕн çĕршыв тĕнче умĕнче хăй аслă держава пулнине, демократиллĕ политика тытса пынине, халăх пурнăçне лайăхлатассишĕн тăрăшнине, кашни гражданин правипе ирĕклĕхне сыхлама пултарнине, тăнăçлăх, никама пăхăнманлăх, пĕрлĕх уншăн тĕп вырăнта пулнине кăтартса пачĕ.
Раççей кунĕ _ уйрăмрах уяв. Вăл тăван çĕршыв чечекленĕвĕшĕн пĕрле вăй хумалли уяв. Вăл _ пуласлăхшăн ĕçлес шанчăк уявĕ, çĕршывра халăх пурнăçне лайăхлатма пултаракан çирĕп власть уявĕ. Паянхи пирĕн ĕçрен, пултарулăхран, гражданла яваплăхран Патăрьел районĕн, пĕтĕм çĕршывăн пуласлăхĕ килет.
Патăрьел районĕ вăхăтпа тан утса Чăваш Республикинче социаллă-экономикăлла кăтартусем енĕпе малти ретре пырать. Çакă вăл сирĕн ĕç, хисеплĕ ентешĕмĕрсем! Сывлăх, телей, çĕнĕ ỹсĕмсем сире!
Район администраци пуçлăхĕ Н. ГЛУХОВ.
Источник: "Авангард" (газета Батыревского района)