17 июня 2015 г.
_ Тăван ен, тăван Патăрьелĕм ытамĕнчен хăпса тухса кайни вуншар çул иртрĕ пулин те, хамăр тăрăхри кашни кĕтес маншăн çывăх. Кирек ăçта кайсан та хамăн халăхăмпа, хамăрăн йăла-йĕркепе, паттăр ен хастарĕсемпе мухтанатăп. Кăçалхи акатуя хутшăннă май тăван район чăнласах та республикăра кăтартуллисен, матуррисен хушшинче пулнине тепĕр хут ĕнентĕм. Пирĕн халăхăмăр ĕçре те, юрă-ташăра та, спортра тата ытти çĕрте те ыттисемшĕн ырă тĕслĕх пулни савăнтарать. Тĕп докладра Литература çулталăкĕнче тунă çитĕнỹсем пирки те сахал мар сăмах пулчĕ. Константин Ивановăн юбилейлă çулталăкĕнче поэтăмăра чысласа ирттернĕ мероприятисем малалла тăсăлни те савăнтарать.
Источник: "Авангард" (газета Батыревского района)