23 июня 2015 г.
ИРТНĔ эрнекун районти культура çуртне Гиппократ тупине йышăннă медицина работникĕсем хăйсен професси уявне паллă тума пуçтарăннă. Юхмапа Пăха тăрăхĕнче вĕсен "çарĕ" пĕчĕкех мар: 80 тухтăр, 350 медицина сестри. Шурă халатлисене район администраци пуçлăхĕ Н. Глухов, районти тĕп больница врачĕ Г. Петрова саламланă, хăйсен ĕçне тỹрĕ кăмăлпа пурнăçласа пыракан уйрăм хастарсене, ветерансене Хисеп грамотисемпе наградăланă, çăмăл мар ĕçре ăнăçу суннă.
Сăмах май çакна та палăртса хăвармалла. Юлашки çулсенче районта çынсен сывлăхне çирĕплетес, вĕсен вăтам ĕмĕрне вăрăмлатас тĕллевпе тĕрлĕрен спорт мероприятийĕ йĕркелени, вĕсен пурнăç условийĕсене лайăхлатассишĕн тăрăшни кăлăхах мар: демографи лару-тăрăвĕ лайăхланса пырать, ачасем çураласси ỹсет, çынсен вăтам ĕмĕрĕ те пысăкланать...
Источник: "Авангард" (газета Батыревского района)