08 июля 2015 г.
ЮЛАШКИ çулсенче республикăра физкультурăпа массăллă спорта аталантарас, сывă пурнăç йĕркине тытса пырса çынсен сывлăхне тĕреклес ыйтăва тĕп вырăна хурса ĕçлени куç умĕнче: кашни районта спорт комплексĕсем хута каяççĕ, шкулсенче вара спорт залĕсене çулсеренех тĕпрен юсаççĕ, ачасемпе çамрăксене тренировкăсем тума кирлĕ условисем туса параççĕ. Ку тĕлĕшпе Патăрьелсем те пысăк утăмсемпе малалла талпăнаççĕ. Юлашки вăхăтра кашни вĕренỹ çулĕ тĕлнех шкулсенчи спорт залĕсене çĕнетеççĕ. Хальхинче Аслă Чементи, Туçари, Патăрьелĕнчи иккĕмĕш вăтам шкулти спортзалсем _ пĕчĕк сывлăх "комплексĕсем" _ тĕпрен улшăнса хăйсен спортсменĕсене савăнтарĕç. Строительсем çанă тавăрса ĕçе пикенме хатĕр, аукцион иртнĕ, объектсен хуçисем паллă.
Источник: "Авангард" (газета Батыревского района)