18 июля 2015 г.
Эпир, аслă ăру çыннисем, час-часах хыçа юлнă ырă йăла-йĕркене, çыннăн паха енĕсене аса илсех тăратпăр. Çĕнĕ Ахпỹртри Е. Мартышкин фермер пирки те ман чунлăха çухатманскер тесе хаклас килет. Евгений аслисен сĕнĕвĕсене итлеме, кĕçĕннисене хỹтĕлеме, вăйсăррисене хĕрхенме, вăхăтра пулăшу пама яланах хатĕр. Вăл кашни çулах кĕркунне, уй-хир ĕçĕсене вĕçлесен, хăйсем туса илнĕ тухăçран учитель-ветерансене тỹлевсĕрех тырă парать. "Единая Россия" партин ялти уйрăмĕн ертỹçи тата районти депутатсен Пухăвĕн депутачĕ пулнă май, халăха валли те ырă ĕç сахал мар тăвать.
О. ВОЛКОВА, учитель-ветеран. Çĕнĕ Ахпурт ялĕ.
Источник: "Авангард" (газета Батыревского района)