22 июля 2015 г.
ÇУЛЛАХИ çумăрсем хыççăн çĕр мăкăртса тухнă пĕрремĕш кăмпасене пасарта та сутма пуçларĕç темелле: сар кăмпа, шурă кăмпа, масла кăмпи... Кунтăк йăтса утакан вăрман кинемисене те час-часах асăрхама пулать. Хĕл каçа тунсăхланă çимĕçе хăвăртрах тутанас, çынсене те сăйлас килет-çке! Анчах та кăмпаçăсен ăна татнă чухне асăрханулăхпа тимлĕх пирки манса каймалла мар. Палламаннисене е иккĕленчĕклисене витрене чăмтармалла мар. Киле çитсен те лайăх та шанчăклă тасатмалла, кирлĕ пек вĕретмелле. Унсăрăн наркăмăшлă кăмпасемпе организма сиенлеме те, больницăна çакланма е тата хăрушăраххи _ çут тĕнчерен уйрăлма та пулать.
Источник: "Авангард" (газета Батыревского района)