28 июля 2015 г.
ÇАК сăмахсенех Первомайскинче çур ĕмĕр пĕрле килĕштерсе пурăнакан Александр Степановичпа Анастасия Владимировна Верликовсене саламласа та калас килет. Ĕçчен те пултаруллă, ыттисемшĕн кăтартуллă чăваш çемйинчен тĕслĕх илмелли пайтах. Иккĕшĕ те вĕсем тăван колхозра вăй хурса тивĕçлĕ канăва тухнă. Александр Степанович вара 70 çул тултарсан та "Первомайск" хуçалăхра бригадирта чунне парса ĕçленĕ-ха. Ырми-канми тата тỹрĕ кăмăллă ĕçшĕн вăл Мухтав орденне те, пăхăр медале те илме тивĕçнĕ. Çемье архивĕнче ытти наградăсем те пайтах. Урăхла каласан, ачисемпе мăнукĕсен хăйсен кукашшĕ-кукамăшĕпе тивĕçлипе мăнаçланма, вĕсен çул-йĕрĕпе танлăн утма сăлтавĕ пысăк.
Источник: "Авангард" (газета Батыревского района)