25 июля 2015 г.
Кăçалхи çуркунне РФ Президенчĕ çумĕнчи ачасен правине хỹтĕлес тĕлĕшпе тимлекен уполномоченнăй Павел Астахов пуçарăвĕпе Луганск тата Донецк халăх республикисенчи пĕрремĕш класа каякан ачасене гуманитари пулăшăвĕ парас енĕпе "День знаний в Новороссию" ыр кăмăллăх акцине пуçарнăччĕ. Ырă пуçарăва Чăваш Ен Пуçлăхĕн тивĕçĕсене вăхăтлăха пурнăçласа пыракан Михаил Игнатьев та ырласа йышăннă, акцие министерствăсемпе ведомствăсем, предприяти-учреждени коллективĕсем, республика çыннисем хастар хутшăннă, мĕнпурĕ 800 пин тенкĕлĕх шкул хатĕрĕсем, спорт тумĕ пуçтарса çак кунсенче ăсатнă.
Михаил Игнатьев ыр кăмăллăх акцине хутшăннисене пурне те чĕререн тав тунă: "Республикăри ырă кăмăллă та пысăк туйăмлă çынсене Луганскри тата Донецкри шкул ачисене йывăрлăхра хăварманшăн тав тăватăп. Çак акци пиншер ачана пĕлỹ илме пулăшĕ!"
Источник: "Авангард" (газета Батыревского района)