29 июля 2015 г.
КУЧУХНЕ кафе-столовăйсенче йĕркелекен хăна- вĕрлене каясси пысăк шухăш мар темелле: кĕсьене укçана чик те _ вĕçтер: пулштукĕ, çыртмалли пирки те пуç ватмастăн. Туй-çуйра е пĕр-пĕр юбилейре çынсем черет тăрсах хитре открытка е конверт ăшне хунă кĕмĕле уяв хуçине, "айăплине" тыттараççĕ. Пысăк курупкăпа е хутаçпа чĕркенĕ тĕркемсемпе саламласси чăнах та модăран тухрĕ. Ара, укçи пулсан курупка ăшĕнчине кăна хуçи хăй те илеет çав ĕнтĕ. Анчах та паян хăнана каймалли çĕнĕ меслетпе хăш-пĕр çынсем махинаци те тăваççĕ иккен. Конверт ăшне е пачах та укçа хумаççĕ, е унта хальхи вăхăтра ытла та пĕчĕк суммăна пытараççĕ: 500, 200 тенкĕ... Паллă ĕнтĕ, ун пек чухне тăванне чике тăршшĕ лартма килнĕ тăванĕ, хут çине ятне-шывне те палăртмасть. Вăт пуç ват вара хăна пуçтараканăн! Тĕнчере тĕрлĕрен кĕнчеле тенĕ евĕр, пурнăçра та темĕнле шухăшлă çын та пур çав...
Источник: "Авангард" (газета Батыревского района)