08 августа 2015 г.
ÇАК ыйтăва район полицийĕн çул çитмен ачасемпе ĕçлекен инспекци сотрудникĕсем рейд вăхăтĕнче пулнă кирек-хăш çемьере те çĕклеме пултараççĕ. Кăнтăрла çеç те мар, каçхине те. Хальхи вăхăтра районта "Çул çитмен ача" оперативлă профилактика операцийĕн виççĕмĕш тапхăрĕ пынă май, ку ĕçе тата витĕмлетнĕ. Инспекторсем çул çитмен ачасем пурăнакан йывăртарах, нушаллăрах çемьесенче пулаççĕ, калаçусем ирттереççĕ, йăла условийĕсемпе паллашаççĕ. Полици инспекторĕ Л. Комиссарова хаçат редакцине пĕлтернĕ тăрăх, операцин малтанхи икĕ тапхăрĕнче вунă ашшĕ-амăшне хăйсен тивĕçне кирлĕ пек пурнăçламаншăн протокол çырса саккунпа айăплама тивнĕ.
Источник: "Авангард" (газета Батыревского района)