22 августа 2015 г.
Килти хушма хуçалăхра ĕне-выльăх усрама пурнăçăн кирек хăш тапхăрĕнче те çăмăлах пулман. Çак ĕç халĕ те ансат мар. Апла пулин те паян ялсенче пĕр ĕне çеç мар, иккĕ, виççĕ е тата та ытларах усракансем те пур. Икĕ алă вăйне шанса ир пуçласа каçченех хуçалăхра кăштăртатакансем Пăлапуç Пашьелĕнче те сахал мар. В. Матюшкин, С. Кузьмичев, И. Чернов тата ытти хăш-пĕр хуçалăхсем куллен витрепе çеç мар, флягăсемпе сĕт сутаççĕ. Ял тăрăх пуçлăхĕ В. Никитин каланă тăрăх, хальхи вăхăтра ял çыннисем хăйсен продукцине пĕр литрне 13 тенкĕпе ăсатаççĕ.
Источник: "Авангард" (газета Батыревского района)