02 сентября 2015 г.
Районти пушар надзорĕн аслă инспекторĕ А. Тукмаков хаçат редакцине савăнăçлах мар хыпар çитерчĕ. Иртнĕ эрнере пирĕн тăрăхра икĕ кунта икĕ хутчен пушар алхаснă. Пĕрремĕш кунхине Треньелĕн чи Семеновсен хуçалăхĕнчи хуралтисем вут серепине çакланса юрăхсăра тухнă, тепринче вара Сăкăтри Туктинсен сарай таврашĕсем çунса кĕлленнĕ.
Умлă-хаçлах пулнă инкексен сăлтавĕ те пĕрешкел _ кил-тĕрешре электрооборудованипе усă курнă чухне йĕркене пăхăнманни. Сăмах май каласан, çулталăк пуçланнăранпа районти хушма хуçалăхсенче шута илнĕ 26 пушартан 14-шĕ кил хуçисем электричествăпа усă куракан приборсемпе асăрханусăр пулни.
Источник: "Авангард" (газета Батыревского района)