09 сентября 2015 г.
Кирлĕ пулать: 0,5 кг купăста, 250 г пылак пăрăç, 250 г пуçлă сухан, 250 г хăяр, 250 г помидор.
Маринад валли: 1 л шыв, 250 мл уксус (9 процентли), 4 апат кашăкĕ сахăр, 1,5 апат кашăкĕ тăвар, тутă кĕртмелĕх тĕхĕмлĕх.
Пахча çимĕçе çумалла, пăрăçа вăрринчен тасатмалла. Пурне те улăм пĕрчи пек турамалла. Унтан купăстапа пăрăçа вĕрекен шывра 5-7 минут тытмалла.
Пахча çимĕçе банкăна сийĕн-сийĕн тултармалла, тĕхĕмлĕх сапмалла.
Маринад хатĕрлетпĕр: шыва тăвар, сахăр, уксус ярса вĕреме кĕртмелле. Вĕри маринада пахча çимĕçпе тултарнă банкăна ямалла, çиелтен хупăлчине хурса 30 минут пастеризацилемелле, хупмалла.
Лечо
Кирлĕ пулать: 6 кг помидор, 1 кг кишĕр, 1 кг пуçлă сухан, 1 кг пылак пăрăç, 400 мл ỹсен-тăран çăвĕ, 1 стакан сахăр, 120 гр тăвар.
Пахча çимĕçе çуса тасатмалла. Помидора аш арманĕ витĕр кăлармалла, çулăм çинче 1 сехет вĕретмелле.
Кишĕре тăваткал турамалла, сухана çурма çавракан, пăрăçа _ улăм пĕрчи пек. Мĕн пур пахча çимĕçе ỹсен-тăран çăвĕпе çатмара уйрăмшар ăшаламалла. Унтан пĕрле хутăштармалла, вĕри томат ямалла.
Сахăр, тăвар хушса 30 минут пăшăхламалла.
Банкăпа хупăлчине стерилизацилемелле, унта вĕри лечо тултарса хупмалла.
Источник: "Авангард" (газета Батыревского района)