Публикации » Çĕнтерỹ кубокĕ _ Анатолий Каргин аллинче

23 сентября 2015 г.

КИВĔ Ахпỹртре пурăнакан Анатолий Каргин лаша спорчĕпе кăсăкланма пикенни тахçанах ĕнтĕ. Ял хастарĕ чĕлхесĕр янаварпа пĕр чĕлхе тупнăранпах çитĕнỹ хыççăн çитĕнỹ тăвать, пысăк ăмăртусенче паллă спортсменсемпе старта тăрать. Нумай пулмасть çеç Анатолий Антонович хăйĕн юратнă урхамахĕпе, ултă çулта пыракан "Неформальнăйпа" Ульяновскинче Раççей шайĕнче йĕркеленĕ лаша тытакансен финалти ăмăртăвне хутшăнса малти вырăна йышăнса килнĕ. Çĕнтерỹ кубокĕ çăмăллăнах пулманни каламасăрах паллă. Пысăк çитĕнỹ тăвас тесен лашин те, унăн хуçин те кашни кунах темиçе çухрăма хыçа хăварса самаях тарлама тивнĕ. Çывăх вăхăтра вĕсем Хусанта иртекен çивĕч тупăшура хăйсен ăсталăхне кăтартма хатĕрленеççĕ.

Источник: "Авангард" (газета Батыревского района)