Публикации » Авăнта хаçатлă пулатăн _ савăнатăн!

23 сентября 2015 г.

 КАНТĂКРАН кăмăла уçакан авăн çитсе шакканине те сисеймерĕмĕр. Тин çеç симĕс пуставлă уй-хирсем куçа илĕртетчĕç. Халĕ вара вĕсем кĕрхи сăна улăштарма та ĕлкĕрчĕç. Вăхăчĕ çĕмрен пек хăвăрт шунине çырăнтару тапхăрĕсем пĕрин хыççăн тепри черетленнипе те çирĕплетме пулать. Хальхи вăхăтра кашни çыхăну уйрăмĕнчех районта тухса тăракан "Авангард" хаçата 2016 çулхи пĕрремĕш çур çулшăн çырăнтараççĕ. Октябрĕн 1-мĕшĕччен ăна хальхи хакпах çырăнма пулать. Кайран вăл улшăнма та пултарать. Çавăнпа та вăхăт тупса райхаçата паян-ыран çырăнсан _ ỹкĕнмĕр!

Источник: "Авангард" (газета Батыревского района)