23 сентября 2015 г.
Çула тухакан ỹсĕр водительсем пирки саккунĕ кăраланса пынине пăхмасăрах, руль умне теветкеленсе ларакансем тупăнсах тăраççĕ. Çулталăк пуçланнăранпа çеç ГИБДД инспекторĕсем çак сăлтавпа 176 протокол çырнă (Патăрьелпе _ 95, Шăмăршă районĕпе _ 81).
Районта иртекен кашни операци вăхăтĕнчех эрех ĕçнĕ хыççăн тимĕр ута хускатакансем тупăнаççĕ. Сентябрĕн 18 _ 20-мĕшĕсенче иртнĕ яваплă тапхăрта та икĕ водитель çак сăлтавпа гаишниксен аллине çакланнă. Пĕр пуçтах вара иккĕмĕш хут та лекнĕ, халĕ саккунпа килĕшỹл-лĕн ун ячĕпе уголовлă ĕç пуçараççĕ.
Паянхи куна районти çул çинче 22 авари пулнă, вĕсенче пилĕк çын вилнĕ, 47-шĕ аманнă.
А. ПЕТРОВ, районти ГИБДД уйрăмĕн начальникĕ
Источник: "Авангард" (газета Батыревского района)