Публикации » Ĕçĕн результачĕ тренера та хавхалантарать

30 сентября 2015 г.

 ТЕМИÇЕ çул каялла пирĕн районти спортсменсем хăвăрт ишес тĕлĕшпе йĕркелекен ăмăртусене хутшăнман тесен те юрать. Патăрьелĕнче "Паттăр" физкультурăпа спорт комплексĕ ĕçлеме пикенсен вара спортăн ытти тĕсĕсемпе пĕрлех вăл та питĕ хăвăрт аталанма пуçларĕ. Спорт шкулне çỹрекенсемшĕн ишес енĕпе уçнă уйрăм пулни те пĕлтерĕшлĕ. Ятарлă графикпа бассейнсенче сехечĕпе хăвăрт ишме хăнăхни харама кайманни вара чăн малтан ачасемпе ырми-канми тăрăшакан тренера хавхалантарать. Çак кунсенче, акă, В. Платонов тренер хатĕрленĕ Анна Ивановапа Елена Краснова (Патăрьелĕнчи пĕрремĕш вăтам шкулта вĕренекенсем) Чулхула облаçĕнче акватлон енĕпе мала тухассишĕн ирттернĕ уçă чемпионатран иккĕшĕ те пĕрремĕш вырăн йышăнса таврăннă.

Источник: "Авангард" (газета Батыревского района)