Публикации » Канни сывлăхшăн усăллах

10 октября 2015 г.

 ÇИТĔНЕКЕН ăру сывлăхлă та тĕреклĕ ỹстĕр тесе сахал мар тăрăшать ашшĕ-амăшĕ. Вĕреннĕ вăхăтра ывăл-хĕрĕ пĕлỹ тĕнчипе утчĕр тет. Каникулсенче вара канма май паракан условисем шырать. Шкулти çирĕп атмосферăран хăтăлччĕр тет. Компьютер е телевизор умĕнче хăпмасăр ларассинчен пăрас шухăш та малта тăрать вĕсен. Чылай ача электронлă шутлав техникин серепинче вĕт халĕ. Ку енĕпе ашшĕ-амăшне ачасене хушма пĕлỹ паракан центр специалисчĕсем те пулăшу пама пултараççĕ. Тĕрлĕ кружок ĕçлет унта. Каникул вăхăтĕнче вара çакăнтанах сывлăха çирĕплетекен лагерьсене канма кайма путевкăсем илме пулать. Ку хутĕнче Сĕнтĕрвăрри районĕнчи "Белые камни" кану çуртне сĕнеççĕ. Класĕпех кайма та май пур канма. Уçă сывлăшри вăйăсем, конкурссем çĕнĕ юлташсем тупма пулăшаççĕ.

Источник: "Авангард" (газета Батыревского района)