Публикации » Экскурсине _ пушар чаçне

14 октября 2015 г.

"ÇАМРĂКСЕМ _ сывă пурнăç йĕркишĕн" акцие шкул ачисем хастар хутшăнаççĕ. Çак кунсенче Шăнкăртамри пĕрремĕш вăтам шкулти 6 б класра вĕренекенсем Г. Вахитова учительница ертсе пынипе районти пушар чаçĕнче экскурсинче пулнă. Вут-çулăма хирĕç кĕрешекенсем ачасене хăйсен пурнăçĕпе, ĕçĕ-хĕлĕпе, шăнкăравсене йышăнакан диспетчерскипе паллаштарнă. Унтан техника паркне кăтартнă. Пушар сỹнтерекен машина çине ларни пĕлỹ çуртне утакансен нумайăшĕн асĕнче чылайлăха тăрса юлĕ. Пушар чаçĕн ĕçченĕсем ачасене вут-кăварпа яланах асăрхануллă пулмалли, пĕрремĕш пулăшу памалли пирки калаçу та ирттернĕ.

Источник: "Авангард" (газета Батыревского района)